Կարմիր շուկայի ուղղությամբ խոցվել է հակառակորդի մի քանի մեքենա, այդ թվում՝ անձնակազմով բեռնված. Արծրուն Հովհաննիսյան

«Մարտերը շարունակվում են, շատ ինտենսիվ չեն, բայց ունեն որոշակի բարդություններ։ Լայն հնարավորություն չկա ճակատ-ճակատ ոչնչացնել թշնամու ուժերը»,- լրագրողների հետ ճեպազրույցում ասաց ՊՆ ներկայացուցիչ Արծրուն Հովհաննիսյանը։
Նա նշեց՝ այսօր Կարմիր շուկայի ուղղությամբ հակառակորդը փորձել է մեքենաներով մատակարարումներ բերել ու ճեղքում իրականացնել։ Խոցվել են մի քանի մեքենա, այդ թվում՝ անձնակազմով բեռնված մեքենա ու հետ են շպրտվել։ Հակառակորդն ամեն կերպ փորձում է ինչ-որ ուղղություններով նույնիսկ ամենաչնչին հաջողություն գրանցել, որպեսզի արձանագրի իր առաջընթացը։
«Բայց, ինչպես տեսնում ենք, մեր զորքերն անսասան են, մեր վճռականությունն անսասան է»,- ասաց նա։