Եթե ինչ-որ նեղ տեղամասերում էլ իրենց զորքերը տեսնում են Արաքս գետը, դա չի նշանակում լիարժեք վերահսկողություն․ Արծրուն Հովհաննիսյան

ՊՆ ներկայացուցիչ Արծրուն Հովհաննիսյանը լրագրողների հետ ճեպազրույցում անդրադարձավ հարցին, թե ինչ իրավիճակ է Իրանի հետ Արցախի սահմանին։ Ադրբեջանի նախագահը հայտարարել էր, որ իրենց զորքերն ամբողջությամբ վերահսկողության տակ են վերցրել այդ սահմանը։

«Այդ սահմանի ողջ երկայնքով ընթանում են համառ մարտեր, և լիարժեք վերահսկողության մասին խոսք լինել չի կարող։ Եթե ինչ-որ նեղ տեղամասերում էլ իրենց զորքերը տեսնում են Արաքս գետը, դա չի նշանակում լիարժեք վերահսկողություն»,- ասաց Արծրուն Հովհաննիսյանը։